اسلام آباد۔1اکتوبر(اے پی پی)وفاقی وزیر اطلاعات، نشریات، قومی ورثہ و ثقافت عطاء اللہ تارڑ آکھیے جو وزیراعظم اقوام متحدہ جنرل اسمبلی اچ کشمیر و فلسطین دا مقدمہ تکڑا لڑیے، عالمی ادارے پاکستانی معیشت کوں منیندے پن، مہانڳ ڳھٹدا پئے۔ اے ڳالھ انہاں اسلام َباد اچ پی ٹی وی ہیڈ کوارٹرز اچ پریس کانفرنس کریندے آکھی?? انہاں آکھیا جو وزیراعظم امریکہ دا کامیاب دورہ مکمل کر تے وطن ولا پڄ ڳن، وزیراعظم دے اقوام متحدہ دی جنرل اسمبلی نال تاریخی خطاب کوں پورے ڄڳ اچ پذیرائی ملی اے، جتھاں وزیراعظم دیاں ٻیاں سربراہان مملکت نال ملاقاتاں نہ صرف حوصلہ افزاء رہین ٻھل انہاں نال پاکستان دی خارجہ پالیسی کوں وی اڳونہی ملی اے، پاکستان دی خارجہ پالیسی ثابت کیتے جو پاکستان خطے اچ اہم ملک اے۔، مسئلہ فلسطین اتے اسرائیلی جارحیت تے وزیراعظم ہر عالمی فورم تے تکڑی آواز چاتی اے، وزیراعظم ہمیشہ آہدن جو اسرائیل فلسطینیاں دی نسل کشی اتے جنگی جرائم کریندا پئے ڄیکوں احتساب دے کٹہرے اچ ڳھن آوݨا چاہیدے?? انہاں آکھیا جو وزیراعظم شہباز شریف دا اقوام متحدہ دی جنرل اسمبلی نال خطاب ٻئے عالمی رہنماواں اچوں سب توں ودھ ݙٹھا ڳئے ڄیڑھا ساݙی کامیاب خارجہ پالیسی دا ثبوت اے، صرف الجزیرہ ٹی وی چینل تے 1.6 ملین لوکاں وزیراعظم شہباز شریف دا خطاب ݙٹھے، وزیراعظم دا اے خطاب فلسطین کاز کیتے ہک تکڑی آواز ہئی جیندے اچ مسلم امہ دی ترجمانی کیتی گئی جو پاکستان ہمیشہ توں مسلم امہ دے مسائل اڳونہے کریندے، ڄݙاں وی اقوام متحدہ دی جنرل اسمبلی دی تاریخ لکھی ویسی ایندے اچ وزیراعظم دے خطاب د?? وی ذکر ہو??ی جیویں انہاں فلسطین کاز کیتے ہر پہلو تے ڳالھ کیتی اے?? انہاں آکھیا جو وزیراعظم شہباز شریف دی اڳواݨی اچ پاکستانی وفد اسرائیلی وزیراعظم نیتن یاہو دے خطاب د?? بائیکاٹ کیتے اتے جنرل اسمبلی ہال توں واک آئوٹ کیتے جیندے بعد ٻئے ملکاں دے سربراہان وی واک آئوٹ کیتے اتے اسرائیلی وزیراعظم دی تقریر ویلھے خالی تھی ڳیا ہا۔ وزیر اطلاعات آکھیا جو پاکستان کوں اے وی اعزاز اے جو اساں فلسطین کاز تے ودھ آواز چاتی اے، فلسطینیوں دے خلاف اسرائیلی ظلم و بربریت بارے تکڑا مقدمہ پیش کیتے اتے اقوام عالم توں مطالبہ کیتے جو او فلسطین دے مسلے تے چپ نا رہوے، ایندا حل کݙھے اتے جنگ بندی تھیوݨی چاہیدی اے، اسرائیل دا احتساب کیتا ونڄے?? انہاں آکھیا جو وزیراعظم شہباز شریف اتے فلسطینی صدر محمود عباس دی ملاقات اچ فلسطینی صدر پاکستان دی حمایت کوں خوش آئند قرار ݙتے اتے وزیراعظم دی ٻانھ پکڑ تے آکھیے جو تساں ساݙے ٻھرا او اتے فلسطین کیتے پاکستان دا کردار مثالی اے، فلسطینی صدر پاکستان توں فلسطینی عوام کیتے امدادی سامان اتے فلسطینی میڈیکل طلباء کوں پاکستان دے تعلیمی اداریاں اچ پڑھاوݨ دا وی آکھیے جو فلسطین اچ میڈیکل کالجز بند ہین اتے جنگ جاری اے، تیکھے او ویلھا آسی ڄݙاں اتھاں ڈاکٹر دستیاب ہوسن، فلسطینی صدر امدادی سامان بھیجݨ اتے فلسطینی طالب علماں کوں میڈیکل کالجز اچ داخلے دی پیشکش د?? تعریف کریندے آکھیے جو پاکستان ہر فورم تے ساݙے نال تھئے?? انہاں آکھیے جو وزیراعظم شہباز شریف دی پالیسی پہلے ݙینھ توں واضح اے، پاکستان او کلہا ملک اے جیندا پاسپورٹ ماسوائے اسرائیل دے سارے ملکاں کیتے کارآمد اے?? انہاں آکھیا جو ساݙے سیاسی مخالفین سودھا ساریاں سیا??ی جماعتاں وزیراعظم دے خطاب د?? تعریف کیتی اے جو انہاں نہ صرف کشمیر کاز تے الائے ٻھل مسئلہ کشمیر اچ ہک نویں روح بھر ݙتی اے، وزیراعظم اپݨی تقریر اچ برہان وانی دا خصوصی ذکر کیتے اتے بھارتی مظالم دا ݙسائے، اتے آکھیے جو اڄ وی برہان وانی دی میراث زندہ اے، بھارت مقبوضہ جموں و کشمیر اچ مسلم اکثریت کوݨ اقلیت اچ وٹا تے کشمیری عوام دے حقوق سلب کریندا پئے اتے کشمیریاں کوں اقوام متحدہ دی قرارداداں دے مطابق حق خودارادیت نئیں ݙیندا، وزیراعظم اقوام متحدہ جنرل اسمبلی اچ بھارت کوں چتائے جو پاکستان کہیں وی قسم دی جارحیت برداشت نہ کریسی۔ وزیر اطلاعات آکھیا جو آئی ایم ایف، ورلڈ بینک اتے ٻئے عالمی مالیاتی ادارے پاکستانی معاشی پالیسیاں د?? تعریف کریندے پن جو پاکستان دی معیشت درست سمت تے ٹر پئی اے، پاکستان دی شرح نمو ودھݨ اتے مہانگ ڳھٹݨ کوں ڄڳ منیندا پئے، اے اعزاز اے جو آئی ایم ایف معاہدہ طے تھیوݨ دے نال نال پاکستان دی معیشت کوں ودھ سرہا ڳئے، پالیسی ریٹ ڳھٹݨ نال پاکستان اچ سرمایہ کاری ودھی اے، ستمبر 2024 اچ مہانگ ڳھٹیے اتے ایندی شرح 6.9 فیصد تے آ گئی اے، ساݙی معاشی پالیسیاں دے چنڳے اثرات عوام تئیں پڄدے پن، وزیراعظم دیاں معاشی پالیسیاں اتے اقدامات پاکستان کیتے فیدہ مند ثابت تھین، مہانگ ڳھٹݨ دے نال نال زرمبادلہ دے ذخائر ودھین، کرنسی مستحکم اے، بلومبرگ وی پاکستانی دی معیشت کوں چنڳاں آکھیے، جی ڈی پی گروتھ ودھݨ، پالیسی ریٹ اتے مہنگائی اچ کمی، برآمدات اچ 14 فیصد ودھارا، سرمایہ کاری کیتے سازگار ماحول خوش آئند ہین۔
.jpg)
.jpg)
.jpg)
.jpg)
.jpg)
