اسلام آباد ۔ 4 اگست (اے پی پی) حج 2016سانگے 329عازمین کوں گھن تے پہلی حج پرواز مدینہ منورہ سانگے روانہ تھی گی۔ وفاقی وزیر مذہبی امور سردار محمد یوسف عازمین حج کوں بینظیر انٹرنیشنل ائرپورٹ اسلام آباد توں رخصت کیتا۔ عازمین حج کوں انہاں خصوصی تلقین کیتی جو او حجاز مقدس اچ اللہ دے مہمان تے پاکستان دے سفیر بنڑ تے ویندے پن، سعودی قنون تے ثقافت دا خیال رکھن،اللہ دے حضوراتھاں اپنڑے عزیز رشتے داراں ،تے سکیں سانگے دعا کریسن اتھاں خصوصی طورتے عالم اسلام خاص طو ر تے پاکستان اچ امن، ترقی تے خوشحالی سانگے وی دعا کرن۔ خمیس کوں اتھاںبینظیر انٹرنیشنل ائرپورٹ تے پہلی حج پرواز دے ذریعے حجاز مقدس روانہ تھیونڑ آلے عازمین دی الوداعی تقریب توں خطاب کریندے ہوئیں انہاں آکھیا جو اے انہاں سانگے خوشی دا ویلھا ہے اتے اج او اللہ سئیں دے فضل نال انہاں مہماناں کوں پہلی حج پرواز دے ذریعے حجاز مقدس روانگی سانگے الوداع کریندے پن۔ میڈی بطور خادم حجاج شروع ڈین توں ہی ایہا کوشش ہے جو ایں بابرکت سفر کوں عازمین حج سانگے ودھ توں ودھ سوکھا تے سستا بنڑایا ونجے ،تساں اپنڑی خوش نصیبی تے ناز کرو جو اللہ سئیں تساں کوں ایں سفر سانگے چنڑیا ہے صرف پاکستان توں تقریباً 2لکھ توں ودھ دی خواہش رکھنڑ آلے لوک حج دی سعادت توں محروم رہ گے ہن ۔لکھاں دے مجمعے اچ انتظامات اچ اگر کوئی کمی بیشی تھی ونجے تاں صبر تے برداشت دا دامن ہتھ توں نہ چھوڑن ،اتھاں موجود پاکستانی معاونین تے سعودی اہلکاراں دی ہدایت دے مطابق عمل کرن تے انہاں نال پورا تعاون کرن
.jpg)
