وفاقی وزیرداخلہ دا فرنٹیئر کور نارتھ دے ہیڈ کوارٹردا دورہ ، اہم اجلاس دی صدارت

2025-03-05 17:54:52

کوئٹہ۔8مئی (اے پی پی):وفاقی وزیرداخلہ محسن نقوی ہیڈ کوارٹر نارتھ فرنٹیئر کور بلوچستان دا دورہ کیتے۔فرنٹیئر کور نارتھ دے آئی جی میجر جنرل امیر اجمل چودھری وفاقی وزیر داخلہ محسن نقوی دا استقبال کیتا۔ فرنٹیئر کور نارتھ دے چاک و چوبند دستے وفاق وزیر کوں سلامی ݙتی۔وفاقی وزیرداخلہ محسن نقوی یادگار شہدا تے حاضری ݙتی ، یادگار تے پھل رکھیے اتے فاتحہ پڑھی۔وفاقی وزیرداخلہ محسن نقوی شہدا دے درجات سانڳے دعا کیتی ۔وفاقی وزیرداخلہ محسن نقوی شہدا دی قربانیاں کو ں خراج عقیدت پیش کیتے۔ انہاں میوزیم داوی دورہ کیتے تے تاریخی نوادرات اچ دلچسپی ڳھدی ۔ وفاقی وزیرداخلہ فرنٹیئر کور نارتھ دے جدید آلات دا وی معائنہ کیتا۔وفاقی وزیرداخلہ دی صدارت اچ فرنٹیئر کور نارتھ دے ہیڈ کوارٹر اچ اہم اجلاس تھئے ۔ انہاں بلوچستان اچ قیام امن سانڳے فرنٹیئر کور نارتھ دی خدمات دی تعریف کیتی انہاں آکھیے فرنٹیئر کور نارتھ بلوچستان اچ امن سانڳے ہراول دستے دا کردار نبھائے۔فرنٹیئر کور نارتھ دے افسراں تے نینگراں دی پیشہ ورانہ مہارت اتے بہادری تے ماݨ اے ۔ وفاقی وزیرداخلہ محسن نقوی کوں فرنٹیئر کور نارتھ دی پیشہ ورانہ کارکردگی تے بریفنگ ݙتی ڳئی۔وفاقی سیکرٹری داخلہ خرم آغا وی انھاں دے رلے ہن ۔

مضمون کا ماخذ : estatísticas quina

متعلقہ مضامین