اقوام متحدہ۔19مئی(اے پی پی):پاکستان آفتاں توں خطرات کوں گھٹ کرݨ دے عزم دا اعادہ کریندے ہوئیں آکھیے حکومت گزریل سال تباہ کن سیلاب دے بعد شاندارکارکردگی ݙکھیندے ہوئیں ترائے کروڑ توں ودھ متاثرین کوں وختی خطرے توں بچاوݨ کیتے تکھے ریسکیواتے ریلیف دی کارروائیاں کیتن ۔ چیئرمین این ڈی ایم اے لیفٹیننٹ جنرل انعام حیدر ملک اقوام متحدہ دی 193 رکنی جنرل اسمبلی دے ݙوݙینھ وار اجلاس کوں ݙسایا جو پاکستان دی حکومت وݙے مالی چیلنجاں دے باوجود سیلاب توں متاثرہ لوکاں کوں فوری خطریں توں کڈھݨ تے انہاں دیاں ضرورتاں پوریاں کرݨ کیتے حکومت پاکستان بھر پور عزم دا مظاہرہ کیتے۔چیئرمین این ڈی ایم اے سینڈائی فریم ورک فار ڈیزاسٹر رسک ریڈکشن 30۔2015 تے نظر ثانی کیتے منعقدہ اعلیٰ سطح دے اجلاس کوں ݙسایا جو ماحولیاتی تبدیلاں پاروں آوݨ آلے سیلاب اچ 1700 اموات دے نال نال ھک تہائی ملک سیلابی پاݨی اچ بݙ ڳیا جیں توں تھیوݨ آلا 30 ارب ڈالر تئیں پڄ ڳئے ۔ ایویں پاکستان کوں بحالی اتے تعمیر نو دے اپݨے منصوبیں کوں عملی جامہ پواوݨ اچ ھک اوکھے چیلنج دا سامݨا اے۔انہاں ݙسایا پاکستان دی فوج، خاص طور تے فوج دی قیادت اچ ریسکیوتے ریلیف دیاں کارروائیاں نال بحالی دے ابتدائی مرحلے کوں مستحکم رکھݨ اچ مدد ملی ۔
.jpg)
.jpg)
