اسلام آباد۔18جولائی(اے پی پی)وزیر اعظم محمد شہباز شریف مختلف عدالتاں اتے ٹربیونلز اچ زیر التواء ٹیکس مقدمات تیکھے نمٹاوݨ کیتے ایپلٹ ٹربیونلز دی تعداد 100 تئیں ودھاوݨ دی ہدایت کریندے کھیے جو اکتوبر 2024 تئیں ہر ٹیکس دہندہ کیتے سنگل سیلز ٹیکس سسٹم لاگو کیتا ونڄے، ایف بی آر ڈیجیٹائزیشن دے مثبت نتائج وݨ لڳ ڳن، پچھلے 4 مہینے اچ ٹیکس ریفنڈز اچ 800 ارب روپے دا فراڈ پکڑیا ڳئے، ٹیکس ریفنڈز دا نظام چنڳاں کریسوں۔ اسلام آباد اچ وزیر اعظم محمد شہباز شریف دی اڳواݨی اچ فیڈرل بورڈ آف ریونیو اچ اصلاحات و ڈیجیٹائزیشن بارے جائزہ اجلاس ھئے جیندے اچ ان لینڈ ریونیو اتے کسٹمز اچ اصلاحات، ایف بی آر دی ڈیجیٹائزیشن تے 8 ہفتیاں دی اڳونہی ݙسائی ڳئی جو ایف بی آر دی ڈیجیٹائزیشن بین الاقوامی منیے ہوئے کنسلٹنٹ میک کینزی دی نگرانی اچ تھیندی پئی اے، وزیر اعظم آکھیے جو ایف بی آر اچ اصلاحات کر تے محصولات ودھائے ونڄ سڳدن، ایں سانڳے کئی منصوبیاں اچ غیر ضروری چرک تھیوݨ چنڳاں نئیں۔ اجلاس اچ ݙسایا ڳیا جو مختلف عدالتاں اتے ٹربیونلز اچ ٹیکس بارے 3.2 کھرب روپے دے 83579 مقدمات زیر التوا ہین، موجودہ حکومت دے ہݨ تئیں دے دور اچ ٹیکس مقدمیان دے حل کیتے مختلف اقدامات کیتن، پچھلے چار مہینیاں اچ مختلف عدالتاں 44 ارب روپے دے 63 مقدمات نمٹائن، جدید ٹیکنالوجی نال ٹیکس دی سضاحیت آلے 49 لکھ لوکاں دی نشاندہی کیتی گئی اے، یکم اپریل 2024 توں ہݨ تئیں ایف بی آر تاجر دوست موبائل فون ا??پلی کیشن نال ݙیݙھ لکھ ریٹیلرز رجسٹر تھی چکین۔ وزیر اعظم آکھیا جو انہاں 49 لکھ لوکاں اچ دولت مند اتے سرمایہ دار کوں ترجیحی بنیاداں تے ٹیکس نیٹ اچ ڳن آیا ونڄے اتے غریب طبقے تے وادھو ٻھار نا سٹیا ونڄے، ایں نظام کوں بیا فعال ٻݨاوݨ کیتے ریٹیلرز نال مشاورت رکھی ونڄے۔ وزیراعظم ٹیکس اپیلٹ ٹربیونلز دی کارکردگی پرھݨ کیتے ڈیش بورڈ ٻݨاوݨ دی ہدایت کیتی۔ وزیراعظم آکھیا جو سیلز ٹیکس ریفنڈز دی ادائیگی اچ چرک برداشت نہ کیتی ویسی۔ وزیر اعظم سیلز ٹیکس کیتے غیر قانونی ریفنڈز ولا ݙیوݨ کتیے فوری حکمت عملی ٻݨاوݨ دی ہدایت کیتی۔ وزیراعظم ہدایت کیتی جو ایف بی آر دے فراڈ ڈیٹیکشن ا??نڈ انویسٹی گیشن ڈیپارٹمنٹ کوں مکمل ڈیجیٹائز کرݨ، ایف بی آر اچ جاری اصلاحاتی منصوبیاں کوں ہک مرکزی نظام سانڳے حکمت عملی ٻݨائی ونڄے اتے ایف بی آر دی ڈیجیٹائزیشن کیتے جدید ترین ٹیکنالوجی اتے بہترین افرادی قوت دی خدمات ڳھدیاں ونڄن، کسٹمز دے نظام کوں اپ گریڈ کرݨ کیتے فنڈز اچ چرک نا تھیسی ٻھل ایف بی آر فوری طور تے نویں نظام دے سافٹ ویئر ڈیزائن اتے نفاذ دی حکمت عملی پیش کرے، پاکستان ریونیو آٹومیشن اتھارٹی اچ اصلاحات سانڳے تجویزاں پیش کیتاں ونڄن۔ اجلاس کوں انٹیگریٹڈ ٹرانزٹ ٹریڈ مینجمنٹ سسٹم منصوبے، آئی ٹی ٹی ایم ایس دے تحت طورخم اتے چمن دے پاک افغان بارڈرز تے تجارت بارے بین الاقوامی معیار دے ون ونڈو سہولیات مراکز دا ݙسایا ڳیا، کسٹمز آٹو میٹڈ اینٹری ایگزٹ سسٹم دی تیاری دا کم شروع اے، اے ای ای ایس جدید ترین سکیننگ ٹیکنالوجی ہوسی ڄیڑھی ویب بیسڈ ون کسٹمز اتے پاکستان سنگل ونڈو نال جڑیا ہوسی اتے ایکوں کراچی دیاں چارے بندر گاہواں، کراچی، ملتان اتے پشاور دے ہوائی اڈیاں تے نافذ کیتا ویسی۔ وزیراعظم گودار بندرگاہ اچ وی اے ای ای ایس نظام لاڳو کڑم دی ہدایت کیتی۔ وزیراعظم آکھیا ٹیکس دہندگان دی سہولت کیتے سنگل سیلز ٹیکس ریٹرن نظام ڳھن آیا ویندا پئے، ٹیلی کام سیکٹر نال ایں نظام کوں لاگو کیتا ڳئے، سنگل سیلز ٹیکس نال ایف بی آر ملک بھر دیاں ریونیو اتھارٹیز نال جر ویسی۔ اجلاس اچ وفاقی وزیر اقتصادی امور احد خان چیمہ، وفاقی وزیر خزانہ و محصولات محمد اورنگزیب، وفاقی وزیر قانون و انصاف اعظم نذیر تارڑ، وفاقی وزیر اطلاعات و نشریات عطاء اللہ تارڑ، وزیر مملکت برائے خزانہ علی پ??وی?? ملک، ڈپٹی چیئرمین پلاننگ کمیشن جہانزیب خان، وزیراعظم دے کوآرڈینیٹر رانا احسان افضل، چیئرمین ا??ف بی آر ملک امجد زبیر ٹوانہ اتے متعلقہ اعلیٰ سرکاری افسران شرکت کیتی۔
.jpg)
