اسلام آباد۔14فروری(اے پی پی)نگران وفاقی وزیر اطلاعات، نشریات و پارلیمانی امور مرتضیٰ سولنگی آکھیے جو قانونی طور تے ڄݙاں ضروری ہوسی قومی اسمبلی دا اجلاس سݙیا ویسی، آرٹیکل 91 دے تحت صدر مملکت الیکشن دے بعد 21 ݙینھ تئیں قومی اسمبلی دا اجلاس سݙ سڳدن، 29 فروری تئیں کہیں وی ݙینھ قومی اسمبلی دا اجلاس سݙیا ونڄ سڳدے۔ الیکشن کمیشن دے ٻاہرو میڈیا نال الیندے انہاں آکھیا جو انتخابات بارے شکایات نمٹاوݨ کیتے قانونی فورمز موجود ہین، قانون دا عمل جاری رہوݨا چاہیدے، جیکر کہیں نال زی??دتی ??ھئی اے تاں اوکوں انصاف ملݨا چاہیدے۔ وفاقی وزیر اطلاعات آکھیے جو بلوچستان حکومت ملکی قوانین دے تحت مسائل حل کرݨ اچ ردھی ہوئی اے، بطور وزیر پارلیمانی امور قومی اسمبلی دے آندے اجلاس کیتے سمری تے میݙے دستخط تھیسن، انتخابات توں 21 ݙینھ بعد تئیں قومی اسمبلی دا اجلاس سݙݨ دی آخری تاریخ 29 فروری اے، آئین دے تحت قومی اسمبلی دا کوئی وی رکن وزیراعظم، سپیکر اتے ڈپٹی سپیکر دا انتخاب لڑ سڳدے۔
