اسلام آباد-31 ڊسمبر (اي پي پي) رٿ??بندي، ترقي ۽ سڌارن واري وفاقي وزير پروفيسر احسن اقبال چيو آهي ته اُڏار پاڪستان پروگرام هڪ انقلابي قدم آهي، ان سان تعليم، صحت، روزگار ۽ ڪاروبار جي موقعن ۾ واڌ ٿيندي. اهڙو اظهار هن موجوده حڪومت جي پنج ساله قومي اقتصادي منصوبي (29-2024ع) ” اُڏار پاڪستان“ جي موقعي تي پنهنجي پيغام ۾ ڪيو. احسن اقبال اُڏار پاڪستان کي جٽادار اقتصادي ترقي کي حاصل ڪرڻ طرف هڪ ”انقلابي“ قدم قرار ڏيندي چيو ته هي قدم جيڪو سياسي ڇِڪتاڻ يا ڪنهن به سياسي لانگ مارچ کان پاسو ڪندي وڌ کان وڌ قومي اتحاد قائم ڪري ڪامياب ٿي سگهي ٿو. ان کانسواءِ معاشي لانگ مارچ جي ضرورت آهي ته جيئن اسان دنيا سان اثرائتي انداز ۾ مقابلو ڪري سگهون. هن چيو ته حڪومت جي موجوده معاشي چئلينجن کي اثرائتي طريقي سان مُنهن ڏيڻ لاءِ ف??ري قدم کنيا هئا، پر ملڪ کي خوشحال ۽ معاشي طور تي م??بوط بنائڻ لاءِ مسلسل بنيادن تي ڊگهي مُدي واري رٿ??بندي جي ضرورت هئي. وفاقي وزير چيو ته مسلم ليگ (ن) جي حڪومت پنهنجي گذريل دؤرن ۾ ويزن 2010ع ۽ ويزن 2025ع ??ي شروعات ڪئي هئي پر سياسي عدم استحڪام سبب ان تي مڪمل عملدرآمد ??ه ٿي سگهيو پر هاڻ حڪومت هڪ ڀيرو ٻيهر پنج ساله منصوبو تيار ڪيو آهي جيڪو پائيدار اقتصادي ترقي جو بنياد ثابت ٿيندو. هن وڌيڪ چيو ته قومي اقتصادي منصوبي جا ثمر عام ماڻهوءَ تائين پهچايا ويندا ۽ بهتر تعليم، صحت، روزگار ۽ ڪاروبار جي موقعن ۾ اضافو ٿيندو.
