اسلام آباد۔14اگست (اے پی پی):14 اگست ہفتے کوں پوری قوم یوم ِ آزادی ایں عزم دی تجدید دے نال منائے جو ملک کوں حقیقی اسلامی فلاحی مملکت بݨاوݨ کیتے تحریک پاکستان دے جذبہ توں کم کیتا ویسی ، ݙینھ دا وفاقی دارالحکومت اچ 31 اتے صوبائی دارالحکومتاں اچ 21، توپاں دی سلامی نال تھیا ، ایں موقع تے پاکستان دی سلامتی، ترقی اتے عوام دی خوشحالی سانگے دعاواں منگیاں ڳئن ۔ سارے سرکاری اتے نجی عمارتاں تے قومی پرچم لہرائے ڳئن۔ قومی پرچم کشائی دی مرکزی تقریب ایوان صدر اسلام آباد اچ تھئی جیں اچ صدر مملکت ڈاکٹر عارف علوی بطور مہمان خصوصی شرکت کیتی۔ پرچم کشائی دی ایجھی ہی تقریبات ملک اچ صوبائی، ڈویژنل اتے ضلعی سطح تے وی منعقد کیتیاں ڳئن ۔ سرکاری و نجی عمارتاں اتے سڑکاں، بازاراں تے مارکیٹاں کوں شاندار انداز اچ سجایا ڳیا ۔ یوم آزادی دی تقریبات دے سلسلے اچ قومی پرچم، جھنڈیاں بانیان پاکستان اتے تحریک پاکستان دے مشاہیر دیاں تصویراں تے بینر جاہ جاہ تے لاتے ڳئن ۔ پاکستان ٹیلی ویژن، ریڈیو پاکستان اتے ٻئے ذرائع ابلاغ دی طرفوں ایں ݙینھ دے موقع تے وݙے دورانیے دی نشریات نشر/ ٹیلی کاسٹ کیتیاں ڳئن ۔
.jpg)
