اسلام آباد۔18جولائی (اے پی پی)وزیراعظم عمران خان دا بھمبر آزاد کشمیر اچ عوامی اجتماع توں خطاب کریندے ہوئیں آکھیے جو آزاد کشمیر دے عوام کوں کورونا توں بچݨ کیتے ماسک پاوݨ دی تاکید کرینداں۔ ماسک پاوݨ نال کورونا توں بچاؤ ممکن اے ۔انہاں آکھیے جو کورونا وبا توں لکھاں لوکاں دا انتقال تے کروڑاں متاثر تھئن ۔وزیراعظم عمران خان آکھیے جو بھمبر دے عوام دے جذبے کوں سلام پیش کرینداں،چاہنداں جو اساݙا ملک ھک عظیم ملک بݨے۔اللہ قرآن اچ آکھدے میݙے نبی دی سنت تے چلو ایندے وچ ہدایت اے ،میں عوام دے مستقبل دا سوچینداں، جیڑھا ملک آپݨے پیراں تے کھڑا نی تھیندا ایندی دنیا اچ کوئی عزت نی کرینداں، انہاں آکھیے جو سچے تے انصاف کرݨ آلے دی ھک عزت ہوندی اے ۔ اساں آپݨے آپ کوں تے ملک کوں بدلݨا اے، خریت منڳݨ نال تے قرضیں نال ملک نی چلدے، وزیراعظم آکھیے جو قائد اعظم دے اعلیٰ اوصاف تے مخالفین وی انہاں دی عزت کریندے ہن۔ انہاں آکھیے جو ن لیگ دی ادھی قیادت ملک توں ٻاہر اے ، تساں جݙاں ووٹ پاوݨ ونڄو تاں اے ڳال ضرور پچھو جو انہاں دا لیڈر ایماندار اے یا کائناں، ن لیگ سپریم کورٹ تے حملہ کیتا ،نواز شریف ملک توں بھڄݨ ویلھے ایجھی اداکاری کیتی جو تریمتاں آتے روپیاں تے او لندن ونڄ تے ٹھیک تھی ڳیا۔انہاں آکھیے جو اڄ پاکستان دیاں عدالتاں آزاد ہن، انہاں آکھیے جو حضرت علی دا قول اے جو کفر دا نظام چل سڳدے مگر ظلم تے نا انصافی دا نی چل سڳدا ۔وزیراعظم آکھیے جو اساݙے وزیراں جیلاں تے عدالتاں دا سامݨا کیتے ۔انہاں آکھیے جو ملک اچ قانون دی حکمرانی دی جنگ لڑدے پیوں ۔ انہاں آکھیے جو ایماندار لیڈر نہ کرپشن کریندے نہ بدعنوانی کرݨ ݙیندے، مقبوضہ کشیر دے عوام مودی دے ظلم دا مقابلہ کیتے ۔
.jpg)
