برسلز۔8دسمبر (اے پی پی) وزیر خارجہ مخدوم شاہ محمود قریشی آکھیا جو سیالکوٹ دا واقعہ ٻہوں افسوسناک اے، اساݙے آئین اتے قانون دے مطابق اقلیتاں کوں تحفظ اے، افغانستان اچ حالات خراب تھیے تاں اوندے دوررس اثرات پوسن۔ اوورسیز پاکستانی اساݙا اثاثہ ہن۔ برسلز اچ بیلجیم دے دورے بارے میڈیا نال ڳالھ مہاڑ کریندیں ہوئیں وزیرخارجہ آکھیا جو بیلجیم دے کہیں وزیر خارجہ نال ݙاہ سال دے وقفے دے بعد ݙو پاسہ ملاقات تھئی اے۔ اساں ݙو پاسہ تجارت، سرمایہ کاری، سائنسی، تعلیمی اتے زرعی شعبے اچ تعاون ودھاوݨ تے ڳالھ مہاڑ کیتی اے۔ نیٹو ہیڈکوارٹرز اچ سیکرٹری جنرل جینز اسٹولٹن برگ نال ملاقات تھئی اے۔ اساں دہشت گردی دے خلاف جنگ اچ ہک ݙوجھے نال تعاون کیتے اتے اساݙی خواہش اے جو اے تعاون ولا وی جاری رہے۔ انہاں آکھیا جو سیالکوٹ دا واقعہ ٻہوں افسوسناک اے، اساݙے آئین اتے قانون دے مطابق اقلیتاں کوں تحفظ اے، افغانستان اچ حالات خراب تھیے تاں اوندے دوررس اثرات پوسن۔
.jpg)
