اسلام آباد۔7جولائی(اے پی پی):وفاقی وزیر اطلاعات و نشریات مریم اورنگزیب آکھیے جو وزیراعظم محمد شہباز شریف قائد نواز شریف دی نوجواناں کوں مستقبل دا معمار بݨاوݨ تے انہاں کوں ترقی توں ہمکنار کرݨ دے وژن تے ول عملدرآمد شروع کر ݙتے، علم نال محبت کرݨ آلے نینگراں اچ ھک لکھ لیپ ٹاپ دی تقسیم دا اڄ ول ایں دعا نال آغاز تھیندا پئے ”نوجوان ترقی کا چھو لیں آسماں“۔ جمعہ کوں اپݨے ھک ٹویٹ اچ وفاقی وزیر اطلاعات ونشریات آکھیے اے او پروگرام اے جیں کوں فتنہ، فساد تے انتشار دے منصوبہ ساز ”سیاسی رشوت“آکھ تے علم دشمنی کیتی ہئی ۔ انہاں آکھیے اے پروگرام نوجوان نسل کوں جدید ٹیکنالوجی، تعلیم، ہنر توں آراستہ کرݨ ، روزگار، کاروبار کیتے سرمایہ ݙیوݨ ، صحت مند بݨاوݨ کیتے کھیݙ اتے مثبت سرگرمیاں اچ شمولیت دی روشنی اے جیڑھے جو ایں سیاہ سوچ کوں مٹیسی جیڑھی نوجواناں کوں مر ونجݨ ، مار ݙیوݨ ، ساڑ ݙیوݨ آلے پاسے اکسیندی اے اپݨے مذموم عزائم کیتے نوجواناں دے ہتھ اچ لیپ ٹاپ دی بجائے پٹرول بم، بندوق، غلیل، پتھر اتے ݙنڈے تھمیندی اے ، عمارتاں، قومی اداریں تے حملے، شہدا دی یادگاراں دی بے حرمتی کرویندی اے ، انہاں دے خلاف غلیظ مہم چلیندی اے نوجواناں کوں اپݨے مذموم ایجنڈے دا ایندھن بݨیندی اے ۔
.jpg)
