اسلام آباد۔10اکتوبر (اے پی پی)وزیر اعظم عمران خان نال کامیاب جوان یوتھ انٹرپرینیور شپ سکیم دے نوجواناں کوں سوکھا قرض ڈیونڑ بارے ملک دے بنکا ں دے صدور اتے سربراہان وزیر اعظم نال ملاقات کیتی اے۔ایں موقع تے مشیر خزانہ ڈاکٹر عبدالحفیظ شیخ ، مشیر تجارت عبدالرزاق داو ¿د،مشیراصلاحات ڈاکٹر عشرت حسین، معاون خصوصی برائے امور نوجوانان محمد عثمان ڈاراتے گورنر سٹیٹ بنک وی موجود ہن۔پروگرام بارے معاون خصوصی عثمان ڈار وزیراعظم کوں بریفنگ ڈتی جو حکومت ایں سانگے نوجواناں کوں کاروبار دے چنگے مواقع کیتے ترائے سالاں کیتے سو ارب روپے مختص کیتن،ہنڑ تئیں ایندے کیتے چار لکھ ستر ہزار درخواستاں ملین اتے انہاں دی جانچ پڑتال توں بعد قرض دا اجرا جاری اے،ایں سانگے پڑھے لکھے نوجوان براہ راست بنکاں کوں درخواست ڈے تے میرٹ تے شفافیت نال قرض گھن سگدن۔سکیم اچ اکوی بنک کم کریندے پین اتے بنکاں ایں سال 15 ارب روپے قرض دی مد اچ ڈیونڑ دا یقین ڈیوائے ۔ وزیرِ اعظم عمران خان بنکاں دے صدور اتے سربراہان ولوں کامیاب نوجوان سکیم اچ شرکت دی تعریف کریندے آکھیا جو تعمیراتی سرگرمیاں دے ودھارے کیتے نوجواناں کوں کاروبار دے مواقع ملدے پین جیندے کیتے بنکاں دا تعاون قابل تعریف اے،حکومت ایندے کیتے نوجاناں کوں قرض ڈیونڑ لو بنکاں کوں ویلھے تے سبسڈی ڈیسی اتے ہر اوکھ تیکھے مکایا ویسی تاں جو سوکھے قرض دے ذریعے ملکی معیشت کوں ٹورنڑ،تعمیراتی شعبے،چھوٹیاں اتے درمیانیاں صنعتاں دی ترقی اتے انفارمیشن ٹیکنالوجی دا ودھ استعمال یقینی بنڑایا ونجے۔
.jpg)
.jpg)
