اسلام آباد ۔ 15 اپریل (اے پی پی)صدر مملکت ڈاکٹر عارف علوی آکھیے جو پاکستان برادر ملک سعودی عرب دے نال اپنڑے تعلقات کوں بہوں اہمیت ڈیندے جیرھے جو سانجھی تاریخ، ثقافت، روایات، عقیدے اتے اقدار دے مضبوط رشتے اچ گھنڈیے پن۔انہاں اے گال امام کعبہ شیخ عبداللہ عواد الجہنی نال گال مہاڑ کریندے ہوئیں آکھی جنہاں سنوار کوں ایوان صدر اچ انہاں نال ملاقات کیتی۔ صدر مملکت سعودی ولی عہد شہزادہ محمد بن سلمان دے کامیاب دورہ پاکستان دا ذکر کریندے ہوئیں آکھیا جو سعودی ولی عہد پاکستانی برادری دی معاونت کیتے اپنڑے وڈے دل دی پیش کش نال پاکستان عوام دے دل جت گھدن۔انہاں ہر سال حج تے عمرہ کرنڑ آلے پاکستانی عازمین دی مدد تے سعودی عرب دی خدمات دی تعریف کیتی۔انہاں پاکستانیاں کیتے حج کوٹہ 2لکھ تئیں ودھاونڑ تے پاسکتان کوں ”روڈ ٹو مکہ“ منصوبے اچ شامل کرنڑ دے سعودی فیصلیں دا خیر مقدم کیتا۔ انہاں امید ظاہر کیتی جو ایں منصوبے کوں حج 2020اچ سارے پاکستانی ہوائی اڈیں تئیں توسیع ڈتی ویسی۔صدر آکھیے جو سعودی عرب اچ بہوں وڈی تعداد اچ پاکستانی برادری ڈوہیں بھرا ملکاں وچال مضبوط عوامی دی غماز اے ۔ انہاں آکھیا جو پاکستانی سعودی عرب کوں اپنڑاں ڈوجھا گھر سمجھدن تے سلطنت دی ترقی و خوشحالی کیتے دل نال کم کریند۔ انہاں سعودی فرمانرواں سلمان بن عبدالعزیز اتے ولی عہد شہزادہ محمد بن سلمان اتے سعودی عرب دے برادر عوام کیتے اپنڑیاں نیک تمناواں دا اظہار کیتا ۔ امام کعبہ آکھیا جو پاکستان اتے سعودی عرب دے تعلقات محض سفارتی کائنی بلکہ اے عقیدے تے مبنی ہن ۔انہاں آکھیا جو پاکستان سعودی عرب دی طاقت اے تے اساڈے لوکاں دے دل ہک ڈوجھے نال دھڑکدن۔انہاں ایں گال تے زور ڈتا جو ڈوہیں ملکاں دے مختلف شعبیں وفداں دی سطح تے تبادلے تھیونڑیں چاہیدن۔
.jpg)
.jpg)
