اسلام آباد ۔ 17 اگست (اے پی پی) وزیراعظم عمران خان آکھیا جو ایم ایل ون منصوبہ سی پیک دا ساریاں توں اہم منصوبہ اے،ایں منصوبے نال سماجی تے معاشی ترقی دا نواں دور شروع تھیسی،ہزاراں ملازمتاں امسن،صنعتی عمل ودھسی،عوام کوں سفر اتے مال برداری دی سہولتاں ملسن۔وزیراعظم آفس دے میڈیا ونگ ولوں جاری بیان دے مطابق اے گالھیں انہاں ایم ایل ون (مین لائن ون) منصوبے بارے اجلاس نال خطاب کریندیں ہوئیں آکھی۔اجلاس اچ ایم ایل ون (مین لائن ون) منصوبے بارے بریفنگ ڈتی گئی ۔اجلاس اچ وزیر ریلوے شیخ رشید احمد، وزیر منصوبہ بندی اسد عمر، مشیر خزانہ ڈاکٹر عبدالحفیظ شیخ ، چیئرمین سی پیک اتھارٹی اتے معاون خصوصی لیفٹننٹ جنرل(ر) عاصم سلیم باجوہ تے سینئر شریک تھیے۔وزیراعظم کوں ایم ایل ون منصوبے،پراجیکٹ تے عملدرآمد بارے مقرر تھیے ٹائم لائنز،ہنڑ تئیں تھیونڑ آلا کم اتے منصوبے دے فائدے بارے تفصیلی بریفنگ ڈتی گئی ۔
.jpg)
